許冠傑( Samuel Hui ) Medley：咪當我老襯／佛跳牆／錢會繼續？ 歌詞

6.Medley：咪當我老襯／佛跳牆／錢會繼續？

●●咪當我老襯
作詞：許冠傑／黎彼得
作曲：J.Leiber-M.Stoller

過蘇輕(SHOW HAND)啤癮，我博殺認真 Kunk，你泵雞？
冇要緊，最怕你出老千，想搵我笨，咪當我老襯 。

佢有舖偷雞癮，嚇到我週身震，博我？我最 Mung 索性蘇曬冷，
底牌要問，咪當我老襯。

我自身最有賭品，夠曬斯文，撞正鬥氣冤家，一於忍忍忍 ...

四五起手震，博有啤好 Mun，點知跌隻三，又派隻二，
送尾起隻煙添，認真夠運，咪當我老襯。

十個八個蘇輕，要靠手神，撞正有對手牌，幾大跟跟 ...
立曬身心興奮，笑到屋都震，佢發曬 Mung 面似灶君，
我殺到佢，清曬倉，七瘟八燉，咪當我老襯。


●●佛跳牆

咁o巖又茶樓齊共上 良朋談動向
花彫「Dep」幾兩 閒來尋樂暢
叫煲佛跳牆(佛跳牆) 炆得咁鬼香

計起就完全唔係貴 翅肚能潤肺
鮑參炆光雞 髮菜同玉桂
配料落到齊(落到齊) 認真無得揮

肥佬黎 倒眼輝
潺仔威 軟腳龜 蒞擦啦喂

夾起丫連隨搽辣醬 確係怡神顏又養
一於搵手搶 完全唔異相
有福大家享(大家享) 駛乜咁緊張

成班友一味啄
含含聲一味啄 唔怕肚漲

佛跳牆 炆得咁鬼香
見到佛跳牆(佛跳牆) 鬼都要裝香
正宗佛跳牆(佛跳牆) 鬼都要裝香
見到佛跳牆(佛跳牆) 鬼都要裝香


●●錢會繼續
作詞：許冠傑／黎彼得
作曲：Wayne-Reichner

米貴！冇乜問題，諗計！咪懵懵閉，
掂！就要發威，錢就會繼續。

冇米！隻雞就啼，撞鬼！咪巴巴閉，
焗住！就殺隻雞，錢係會繼續。

過節送禮立定例，水鬼陛隍靠老細，
你咪猛呻命運滯，要打基礎 MUN 紅毛。

冇計！咪鬼食泥，駛錢！當交水費，
在下！奉勸各位，錢係會繼續，

老友咪個論地位，駛乜孤寒詐詐諦，
駛得開心應該駛，死慳死抵，想人提攜呀！

咪制！你想入圍，冤鬼！咪懶經濟，
萬事！係放遠睇，錢係會繼續。